Cəmiyyət

Azərbaycanda baş verən cinayətlərin STATİSTİKASI

Ötən il əməliyyat-axtarış və istintaq fəaliyyətinin subyektləri üzrə 26004 (2019-cu il ilə müqayisədə -668 fakt və ya -2,5%) cinayət qeydə alınıb.

Bu barədə TİA.AZ-a Daxili İşlər Nazirliyinin Baş Əməliyyat və Statistik İnformasiya İdarəsindən bildirilib.

Məlumata görə, onların 24566 və ya 94,5%-i daxili işlər və prokurorluq orqanları tərəfindən ibtidai araşdırılması aparılan hüquqazidd əməllər olub.

Bu hüquqpozmaların 86,7% böyük ictimai təhlükə törətməyən (6853) və az ağır (14450), 13,3%-ni (3263) ağır və xüsusilə ağır cinayətlər təşkil edib.

Qeydə alınmış cinayətlərin strukturunda 5613-ü (2019-ci illə müqayisədə 444 və ya +8,6 % çox) şəxsiyyət əleyhinə, 9712-i (-957; -9,0%) iqtisadi sahədə törədilən, onlardan 9388-i (-923; -9,0%) mülkiyyət əleyhinə, 8414-ü (+596; +7,6%) ictimai təhlükəsizlik və ictimai qayda əleyhinə, 732-i (-103; -12,3%) dövlət hakimiyyəti əleyhinə olan cinayətlərdir.

Daxili işlər orqanları tərəfindən qeydə alınmış cinayətlərin 85,5%, insan alveri ilə bağlı cinayətlərin 98,9%, yol hərəkəti və nəqliyyat vasitələrinin istismarı qaydalarını pozmaların 98,6% (o cümlədən ölümlə nəticələnən yol-nəqliyyat hadisələri ilə bağlı cinayətlərin 98,1%), qaçaqmalçılıq cinayətlərinin 97,2%, xuliqanlıqların 97,0%, qəsdən sağlamlığa ağır zərər vurma və zorlamaların 96,3%, dələduzluqların 94,5%, qəsdən adam öldürmələrin 94,0%, narkotik vasitələrlə bağlı cinayətlərin 92,9%, quldurluqların 92,2%, hədə-qorxu ilə tələb etmələrin 91,3%, mənimsəmə və israf etmələrin 82,8%-nin açılması təmin edilib.

Müvafiq tədbirlərin məntiqi nəticəsi olaraq qeyri-aşkar şəraitdə baş vermiş ağır və xüsusilə ağır cinayətlərin açılması 84,1% təşkil edib.


Bakuinfo.com

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button